အောင်ဆန်းဦးသို့ အိတ်ဖွင့်ပေးစာ

အောင်ဝေး
ဒီဇင်ဘာ ၂၆၊ ၂၀၀၉

ဗိုလ်ချုပ်၏ သားဦး
ဦးအောင်ဆန်းဦးခင်ဗျာ
ကျနော် ကဗျာဆရာ အောင်ဝေး
ရိုသေစွာ စာရေးလိုက်ပါတယ်။

++++++++

သားဦး အရူး တဲ့
မြန်မာစကားမှာ ရှိပါသည်။

အစ်ကိုကြီးတော့ အဖအရာ
မြန်မာစကားမှာ လာပါသည်။

တို့ ဘုရား မယားဖက် ခပ်ပါပါ တဲ့
မြန်မာ့ဆိုရိုးစကားလည်း ရှိပါတယ်။

ရှစ်လေးလုံး အရေးတော်ပုံတုန်းက
ကျနော်တို့ မျှော်ခဲ့တာ
နှမ မဟုတ်ပါ
အစ်ကိုကြီး ဦးအောင်ဆန်းဦးကိုပါ။

ဗိုလ်ချုပ်ရဲ့ သားကြီး ဦးအောင်ဆန်းဦး
အမေရိကန် မရိမ်းတပ်တွေနဲ့ 
မြန်မာပြည်ကို ချီတက်လာပြီ …

ဒီသတင်း …
ပြည်တွင်းမှာ တကယ်ဖြစ်ခဲ့တာပါ။

ဒါပေမဲ့
တကယ်ရောက်လာတာက
အစ်ကို မဟုတ်
နှမ အောင်ဆန်းစုကြည်။

ဗိုလ်ချုပ်ရဲ့သမီး
ဒေါ်အောင်ဆန်းစုကြည်။

တကယ် တိုက်ပွဲဝင်တာက
နှမ ဒေါ်အောင်ဆန်းစုကြည်။

ကမ္ဘာ့ ငြိမ်းချမ်းရေးနိုဘယ်ဆုရှင်
မြန်မာ့ ဒီမိုကရေစီခေါင်းဆောင်
ဒေါ်အောင်ဆန်းစုကြည် … တဲ့
နှမပုံရိပ်က အင်မတန်ကြီးပါရဲ့။

အစ်ကိုကြီး ဦးအောင်ဆန်းဦးခင်ဗျာ …
အစ်ကိုကြီးမှာ
ဘာပုံရိပ်မှ မရှိလည်း
ကျနော်တို့က
ဗိုလ်ချုပ်ရဲ့သားမို့  ချစ်နေဆဲပါ။

ဒါပေမဲ့
အခု အစ်ကိုကြီးလုပ်နေတာတွေက
အဖအရာ မရောက်
နှမကို
(နအဖ အလိုကျ)
ချောက်ကျအောင် လုပ်သလိုဖြစ်နေပါပြီ။

ကန်တော့ပါရဲ့
မယားစကား နားယောင်
အစ်ကိုကြီးအမှားတထောင် ကျူးလွန်နေပြီ။

ဘာ့ကြောင့်
ဒေါ်အောင်ဆန်းစုကြည်ကို တိုက်ခိုက်နေရတာလဲ
အစ်ကိုကြီး။

ဒေါ်အောင်ဆန်းစုကြည်ဟာ
(အစ်ကိုကြီးနှမ)
ဒေါ်အောင်ဆန်းစုကြည်သက်သက် မဟုတ်ဘူး။

ဒေါ်အောင်ဆန်းစုကြည်ကို တိုက်ခိုက်တာဟာ
အဖိနှိပ်ခံမြန်မာပြည်သူတွေကို တိုက်ခိုက်တာပဲ။

ဒေါ်အောင်ဆန်းစုကြည်ဟာ
မြန်မာပြည်ပဲ။

အစ်ကိုကြီး
အစ်ကိုကြီးရဲ့ မူမမှန်တဲ့လုပ်ရပ်တွေ
ရပ်တန်းကရပ်ပါ။

သားဦးအရူး
အောင်ဆန်းဦး … လို့တော့
ကျနော် မပြောရက်ပါဘူး။

အချုပ်နှောင်ခံနေရတဲ့ နှမကိုမှ
ဆက်ပြီးနှောင့်ယှက်နေမယ် ဆိုရင်
အစ်ကိုကြီးကို
(ချစ်လျက်နဲ့ )
ကျနော်တို့ စစ်ကြေညာရတော့မယ်။

အောင်ဆန်းဦး အလိုမရှိ
အောင်ဆန်းဦး အလိုမရှိ
အောင်ဆန်းဦး အလိုမရှိ

ညီငယ်
မောင်အောင်ဝေး
ဒီဇင်ဘာ၂၅၊ ၂၀၀၉၊ မစ်ရှီဂန်

http://www.minyelkhaung.blogspot.com/

ဘုရားခေတ်က ကလေးတစ်ယောက်၏ မျက်လုံး

(၁) နာမကျန်းသော ခန္ဓာကိုယ်မှာ လွတ်လပ်ရေးကျောက်တိုင်တစ်တိုင် စိုက်ထူဖို့၊ သွေးကြောအပိုတွေကို ဖျက်ဆီးပစ်ဖို့၊ မိန်မတစ်ယောက်နဲ့ လိင်ဆက်ဆံမှုအနုပညာအကြောင်းပြောဖို့၊ ဒီတိုင်းပြည်က သတ္တိနည်းသူနဲ့ ဥာဏ်နည်းသူများဖတ်ဖို့… ဒီကဗျာကို ရည်ရွယ်လိုက်ပါရဲ့…..။ (၂) ရိုင်းပြတဲ့ခေါ်သံနဲ့ ခေတ်ရဲ့ ပညာရှိကြီးများခင်ဗျား…. ဂျင်းရှပ်ကို သိပါသလား၊ ဆိုဖီရဲ့ ကမ်ဘာကို ဖတ်ဖူးပါသလား၊ ဒါလီရဲ့ အရည်ပျော်နေတဲ့ နာရီတွေကို ကြည့်ဖူးပါသလား၊ လမ်းပေါ်မှာ ဆာလောင်နေတဲ့ ကလေးတွေနဲ့ မျှော်လင့်ချက်အကြောင်း ဆွေးနွေးဖူးပါသလား။ တတိကမ္ဏာ တတိယလှိုင်း တတိယလိင် အို…ငါတို့ဟာ ယဉ်ကျေးမှုစစ်ပွဲမှာ မရှုမလှ ရှုံးနိမ့်ခဲ့ပါပြီ။ ဒီနေ့ရဲ့ကောက်ကွေးတဲ့ မြစ်ကမ်းဘေး ငါထိုင်ငေးနေမိတယ်၊ အရင်တုန်းက လူငယ်တွေဟာ ဆံပင်ရှည်နဲ့၊ တက်တူးနဲ့၊ ရော့ခ်အင်ရိုးလ်နဲ့… အခုလူငယ်တွေက ဟစ်ဟော့နဲ့၊ စိတ်ကြွဆေးနဲ့၊ ဆံပင်ရောင်စုံနဲ့…. တူတာတစ်ခုက တော်လှန်ရေးကို သူတို့မေ့နေခဲ့ကြတယ်…။ ဆင်ခြင်တုံတရားဟာ လျှာပြတ်နေတဲ့ ဂီတမှာ အရိုးပေါ် အရေတင်ပဲ။ နားလေးနေသော အဖိုးအိုပဲ။ (၃) ငါတို့မျိုးဆက်ရဲ့ ပါရမီရှင်များ သူရဲကောင်းများ အမည်နာမများ ၀င်းဖေတဲ့ မောင်ချောနွယ်တဲ့ ခင်ဝမ်းတဲ့ တင်မိုးတဲ့ ဖော်ဝေးတဲ့ မင်းကိုနိုင်တဲ့ ထူးအိမ်သင်တဲ့ လှသန်းတဲ့ ရွှေဘုန်းလူတဲ့ မိုးသီးဇွန်တဲ့ ပိုင်သတဲ့…။ ရက်စက်သော နှလုံးသားတွေနဲ့ စစ်ဖိနပ်သံများနဲ့ ထောင်နံရံပေါ်က ပဲ့တင်သံနဲ့၊ အမှန်တရားဟာလည်း လွယ်လွယ်လေးပဲ စုတ်ပြဲသွားခဲ့တယ်။ စာသင်ခန်းထဲက မိန်းကလေးတွေလည်း နိုက်ကလပ်များဆီ ထွက်ခွာသွားကြပေါ့။ ချာတိတ်တွေ ချဲထီးရောင်းသူရောင်း ဘောလုံးပွဲလောင်းသူလောင်း၊ ယူနီဖောင်းဝတ်တချို့က ဇိမ်ခန်းမှာ စီးကရက်ခဲနေရဲ့…..။ ဒီလိုအခြေအနေတွေမှာ ငါက ကဗျာရေးလိုက် ခဲပြားတွေကို မီးရှို့လိုက် ကမ္ဏာာကြီးကို အမဲလိုက်.လိုက် ဖြစ်တည်မှုပဓာန၀ါဒကို အရသာခံလိုက်…. ခေတ်ကြီးကလည်း အပြောင်းအလဲမြန်လွန်းတယ်၊ မနေ့တုန်းက ၀န်ကြီးချုပ်ဟာ ဒီနေ့တော့ ၁၀၉၊ ၁၁၀။ (၂၆) နှစ်လုံးလုံး ပြည်သူတွေကို ခပ်တည်တည် လိမ်ညာခဲ့သူကြီးလည်း ရန်ကုန်မြစ်ထဲမှာ နိဂုံးချုပ်ခဲ့ပြီ။ မျက်စိတစ်မှိတ် လျှပ်တပြက်မှာပဲ အရာရာဟာ လူသားဆန်စွာ ကျဆုံးခဲ့ပြီ…။ (၄) သူရဲကောင်းတိုင်းဟာ ရိုးသားမှုရှိလိမ့်မယ်လို့ ငါယုံတယ်၊ မရိုးသားသူဆိုတာ ဘယ်တော့မှ သူရဲကောင်းမဟုတ်ဘူး…။ ပွင့်လင်းလွတ်လပ်တဲ့ လူ့ဘောင်ကို ထူထောင်ရမယ်၊ ပညာရှင်တွေအခန်းကဏ္ဍဟာ ကြီးကျယ်ခမ်းနားရမယ်၊ ဖျက်ဆီးခံထားရတဲ့ ပညာရေးစနစ်ကို ပြန်တည်ဆောက်ရမယ်၊ သွေးစွန်းခဲ့သော သမိုင်းစားမျက်နှာတွေအတွက် ကျောင်းသားသမဂအလံကို ငါတို့ ဦးညွှတ်ကြရမယ်။ ဘရာဇီးဟာ ဘောလုံးသမားတွေ ထုတ်လုပ်တယ်၊ ဗင်နီဇွဲလားဟာ ကိုယ်ဟန်ပြမယ်တွေ ထုတ်လုပ်တယ်၊ ငါတို့ကရော ဘာတွေကို ဘယ်လို ထုတ်လုပ်ပြီး ခမ်းနားတဲ့လူ့အဖွဲ့အစည်းဆီ ချီတက်ကြမလဲ။ (၅) ကိုလံဘီယာ ကုတ်ကင်းဘုရင် ကားလို့စ်က ကုတ်ကင်းဟာ တတိယနိုင်ငံများအတွက် အဏုမြူဗုံးတဲ့။ ရုရှားအာဏာရှင် ခရူးရှက်က နိုင်ငံရေးဆိုတာ အညစ်ပတ်ဆုံး မီးဖိုချောင်ပဲတဲ့။ အကြမ်းဖက်သမား အိုစမာဘင်လာဒင်က မြင့်မြတ်သော ဘာသာရေးစစ်ပွဲကို ဆင်နွှဲရမယ်တဲ့၊ အားလုံးဟာ ကိုယ့်အမှန်တရားနဲ့ကိုယ် လှပနေတာပဲ….ဲ။ ရန်ကုန်ဟာ ဘဂဒက်လို အဆောက်အအုံ မပျက်ဆီးတာကလွဲရင် ကျန်တဲ့ ပျက်ဆီးမှုက ဘယ်သူမှ လိုက်မမီတော့ဘူး…။ အာရှဂုဏ်ဆောင် ငြိမ်းချမ်းရေးနိုဗယ်ဆုရှင် အမျိုးသမီးယောက်နဲ့ ငရဲသားတွေမွေးမြူထားတဲ့ စစ်တပ်ဟာ ကြည့်လို့တော့ ကောင်းနေပါပြီ…။ (၆) နိုင်ငံတကာအရေးအခင်းများ၊ အပေါစား ကျော်ကြားမှုများ၊ မအောင်မြင်သော အာဏာသိမ်းပွဲများ၊ နန်းကျဘုရင်လို စိတ်ဓာတ်များ၊ တူညီဝတ်စုံနှင့် လူပြိန်းများ… သင်တို့သွေးသားဟာ ကြေးစားဆန်လှချည်လား….။ ဟိုးအဝေးကြီးဆီမှာ အမြင့်ပျံငှက်တစ်ကောင် မီးလောင်နေတဲ့ အရေပြားပေါ် မွေးထားတဲ့ ဒဏ်ရာတစ်ခု၊ သွေးဆာနေသော ဓားမြောင်တစ်ချောင်း၊ သေနက်ပြောင်းတွေကို မကြာခဏ ချောင်းကြည့်တတ်တဲ့ မျက်လုံးတစ်လုံး၊ ကဗျာဆရာလုပ်ဖို့ အားလုံးကို ကြက်ခြေခတ်ထားသူတစ်ယောက် သူ့မှာ စိတ်ဓာတ်ကလွဲလို့ ကျန်တာဘာမှမရှိဘူး။ ပြီးတော့ အကြောက်လွန်နေတဲ့ ပြည်သူတွေကို အားမရဘူး…။ ဘယ်လိုဖြစ်ဖြစ် မုန်တိုင်းတွေကို ငါချစ်မိပေါ့….။ (၇) ရန်လိုနေသော အနုပညာနဲ့ ဘုရာသခင်ရဲ့ ဟန်ဆောင်မှုနဲ့ သွေးပြန်ကြောထဲက အနီရောင်မိန်းမတစ်ယောက်နဲ့ အာခေါင်ကို မီးမြှိုက်ထားသောကဗျာတွေနဲ့ ငါ့ခေတ်ကို ငါပြဌာန်းရမယ်….။ နောင်အခါ ယုံကြည်မှုအသားတံဆိပ်နဲ့ ငါ့မျက်နှာကို လူငယ်တွေက တီရှပ်မှာ ရိုက်ဝတ်ကြပါစေ။ (၈) ထူးဆန်းသော လိပ်ပြာတစ်ကောင် အနက်ရောင်သွေးစက်များ အစဥအလာအခက်အခဲတွေ ကြယ်ရောင်၊ လရောင်တချို့နဲ့ လူသားဟာ နှစ်ကာလတို့ကို ဖြတ်ကျော်လာခဲ့ပြီ…။ ကိုးကွယ်မှုများစွာ အယူအဆများစွာ မုန်းတီးခြင်းများစွာ…မှ တစ်နေ့တော့ ဖြစ်လာမှာပါ..အထိ ငါက တင်ဆက်နေမိတယ်…။ ဖြစ်နိုင်မယ်ဆို မြန်မာနိုင်ငံမြေပုံကို ငါပြန်ပြင်ချင်တယ်။ မန်ချက်စတာယူနိုက်တက်အသင်းမှာ နည်းပြလုပ်ချင်တယ်။ ယက်ဖ်တူရှင်ကိုနဲ့ လက်ဆွဲနှုတ်ဆက်ချင်တယ်။ နီးကိုးကစ်မင်းရဲ့ လိင်ဆန္ဓအတွက် တစ်ညလောက် အဖြည့်ခံဖြစ်ချင်တယ်။ ထစ်ချုန်းနေတဲ့ မနက်ဖြန်တွေမှာ ခေတ်ကို ဦးဆောင်သော ကဗျာများနဲ့ ကမ္ဏာ့မြို့ကြီးတွေကို ကြေငြာလိုက်ပါရဲ့။ အပျော်တမ်း ဖဲကစားဖို့… အပျော်တမ်း ငရဲသွားဖို့… အပျော်တမ်း တော်လှန်ရေးလုပ်ဖို့….။ (၉) အလို…ဟိုမှာ ဘုရားခေတ်က ကလေးတစ်ယောက်ရဲ့ မျက်လုံးနဲ့ ငါ့ကို သူတို့ ချောင်းကြည့်နေကြရဲ့……။ ဒဗလျူအမ်တီ (DEC,2004)

နိဒါန်း

ငယ်ငယ်တုန်းက ချည်နှောင်ဖူးတဲ့ ဖဲကြိုးစနဲ့ မတူ ကြိုးစရှည်ရှည်တခု အစပြု တိမ်တိုက်တွေကြားထဲ ရည်မှန်းချက်လည်း လှလှပပ ချိတ်ဆွဲခဲ့တယ်……. တောင်လုံးပန်းတွေ ကသိုက်ကရိုက်မှာ ယုံကြည်ချက်၊ခံယူချက်တွေ တပွေ့ တပိုက်နဲ့  အဲဒီ အိပ်မက်နှင့် မျှော်လင့်ချက်ကြား အချိန်ပေါင်းများစွာ ပေးဆပ်မှူပေါင်းများနှင့်လည်း မျှမျှတတ စတေးပြီးပြီ……. လေရူးတွန်းတဲ့ ခရီးကို ခရီးတန်းတင် အပြင်းနှင်ရင်း သစ်ရွက်ခြောက်တွေအဖော်လုပ် ဒူးဆစ်မခိုင် ယိုင်နဲ့ နဲ့ နှင့်လည်း လျှောက်ခဲ့ဖူးပြီ….. လေထန်ထန် မြေဆန်ဆန်မှာ မျှော်လင့်ချက်တွေ တပွေ့ တပိုက် အသရေထိုက်တဲ့ အဲ့ဒီပုံရိပ်ကို စိတ်ကူးတွေနဲ့ လည်း မြူးခဲ့ဖူးပြီ…… ညိုညိုညစ်ညစ် ဟောဒီတောခြောက် အရောင်တောက်ဖို့  ဖြူလွှပါးပါး ဖဲသားတစ အိမ်မက်လွင်လွင်လည်း မက်ခွင့်ပေးခဲ့တယ်…… ရေဝေး မြေဝေး သံယောဇဉ်ထွေး အရေးပေးတဲ့အသိုက်အမြုံ လွမ်းဆွတ်မှုတောင်နံရံတွေကြား တွေဝေနေတုန်း ရင်ခတ်ပန်းတချို့  ရင်ဘတ်မှာလာကပ်တယ်… မနီးမနား…………………………………………………..ခပ်ဝေးဝေးမှာတော့ အရောင်ပါးပါး အဖြူရောင်ငွားငွားတခု ဟန်ချက်ညီညာ စည်းချက်ဘယ်ညာနဲ့  ငါ့ကို လှောင်နေတယ် …. ဟင့်အင်း…………….ငါသွားပါရစေ…………….. ဘာပဲဖြစ်ဖြစ် တိမ်ဆိုင်ညိုမဲ နေပူကျဲတဲ နှင်းတွေခဲလည်း ပျိုးခဲ့တဲ့ အစတစ ဟောဒီပျံသန်းခြင်းခရီးအတွက် ရှေ့ ကိုပျံသန်းဖို့  တောင်ပံဖြန့် လို့ အားယူဆဲ…………………..

အသီးဦး (ချင်းမိုင်

မိုးသီးဇွန် Thursday, December 17, 2009 နိဒါန်း

မိုးသီးဇွန်
Thursday, December 17, 2009

နိဒါန်း
၂၀၁၀ ရွေးကောက်ပွဲက မြန်မာပြည်ဒီမိုကရေစီ ပြုပြင်ပြောင်းလဲ မှုတွေကို ဦးတည်နေပြီလို့ ကျနော် မယုံကြည်ပါဘူး။ ဒါဟာ အဆိုး မြင်နဲ့ ပြောနေတာမဟုတ်ပါဘူး။ ၂၀၁၀ ရွေးကောက်ပွဲက ဒီမိုကရေစီ အင်အင်အားစုများအတွက် ထွက်ပေါက်မဟုတ်သလို တပ်မတော်အ တွက်ရော တိုင်းရင်သားလူမျိုးစုတွေအတွက်ပါ ထွက်ပေါက် မဟုတ် ဘူး ဆိုတာပါပဲ။ ဒါဖြင့်ရင်ဘယ်သူအတွက် လည်းဆိုတဲ့အမေးအ တွက်အဖြေကတော့….
တစ်- သန်းရွှေအတွက်
နှစ်- သန်းရွှေအတွက်
သုံး-သန်းရွှေအတွက် လို့ပဲပြောပါရစေတော့။
၂၀၁၀ ရွေးကောက်ပွဲထက်ပိုပြီးအလေးထား ဆောင်ရွက်ရမှာကတော့ စစ်အာဏာရှင်စနစ်ကနေ ဒီမိုကရေစီပြုပြောင်းလဲမှုတွေဖြစ်ပါ တယ်။

၂၀၁၀ ဝေစု

၂၀၁၀ မှာစစ်တပ်က ရွေးကောက်ပွဲပြုလုပ်ပေးမယ်။ ရွေးကောက်ပွဲကော်မရှင်ကို ဖွဲစည်းတော့မယ်ဆိုတဲ့ သတင်းထွက်နေတယ်။ ဒီမိုက ရေစီအင်အားစုများ ကြားမှာစိုးရိမ်ပူပန်မှုတွေ တိုးပွားနေတယ်။ တချို့ကတော့ ဒါကိုထွက်ပေါက်တခုလို့ တိုးတိုးတမျိုးကျယ်ကျယ်တမျိုး ဆိုသလိုပြောနေကြတယ်။ ရွေးကောက်ပွဲကိုထွက်ပေါက်လို့ပြောပြီး ၀င်ဖို့တာစူနေကြတယ်။ ဒီလူတွေထဲမှာ အပစ်အခတ်ရပ်စဲရေးလုပ် ထားတဲ့တိုင်းရင်းသား ခေါင်းဆောင်အချို့နဲ့ ကိုယ်ကျိုးရှာသူတွေလည်းပါတယ်။ ၂၀၁၀ ရွေးကောက်ပွဲဟာ ငကြင်းငါးလိုဆူဖြိုးနေတဲ့ မြန်မာပြည်ကို စားပွဲတင်ပြီးမြေးခွေးက ဝေခွဲပေးမှာဖြစ်ပါတယ်။ ဒီတော့ ဝေစုအကြီးအသေးကိုကြည့်ရင် သန်းရွှေက ဗိုက်သားကိုယူ မယ်။ တခြားကိုယ်ကျိုးရှာ အဖွဲ့တွေကိုဝေစုခွဲပေးမယ်။ ကုန်သည်ပွဲစားတွေနဲ့ လုပ်စားနိင်ငံရေးသမားတချို့က အတွက်ဝေစုတစုရမယ်။ သူများမြောက်ပေးလို့ ရွေးကောက်ပွဲဝင်မိတဲ့ ခပ်အအနိင်ငံရေးသမားတွေကတော့ ထောင်မကျရင် ကံကောင်းလို့ မှတ်ပါ။

အမျိုးသားဒီမိုကရေစီအဖွဲ့ချုပ် နဲ့  ၂၀၁၀ ရွေးကောက်ပွဲ

အမျိုးသားဒီမိုကရေစီအဖွဲ့ချုပ် အတွက်ကတော့ကနေ့အထိ ၂၀၁၀ ရွေးကောက်ပွဲကိုဘယ်လို သဘောထားမလဲဆိုတာ ရှင်းရှင်းလင်း လင်းပြောနိုင်တဲ့ အနေထားမှာမရှိသေးဘူး။ တကယ့်ကိုပေါ်လစီ အကြပ်အတည်း (Policy Dilemma ) ဖြစ်နေပုံရတယ်။ အခြေခံဥပဒေ ကိုပြန်လည်ပြင်ဆင်ပေးပါလို့ပါလို့ လေသံခပ်လျောလျောပြောနိင်တဲ့ အနေထားကိုရောက်နေတယ်။၂၀၁၀ ရွေးကောက်ပွဲကို ၀င်မိရင် တော့ ၁၉၉၀ ရွေးကောက်ပွဲရလဒ်ကို ပုလင်းထဲထည့်ပြီး ရေစုံမျှောပေးလိုက်ရသလို ဖြစ်သွားမယ်။ ၂၀၁၀ ကို မ၀င်ဘူးဆိုရင်တော့ ဘေးကတတ်ယောင်ကား နိုင်ငံရေးသုတေသီတွေပြောနေတဲ့ “နိုင်ငံရေးဘေးရောက်မှု” ဆိုတာကို စိုးရိမ်နေပုံရတယ်။ ဒီတော့ ၁၉၉၀ တုန်းက ဦးနုလုပ်သလိုများ လုပ်လာနိင်တယ်လို့လဲ ယူဆနိင်တယ်။ (ဦးနုက သူကိုယ်တိုင် ရွေးကောက်ပွဲမ၀င်တော့ပဲ သူလူများကို ဒီငြိမ်းနာမည်နဲ့ ၀င်စေခဲ့တယ်။ )

ခုလည်း ဒီချုပ်အနေနဲ့မဟုတ်ဘူး။ ဒီချုပ်ထဲကခေါင်းဆောင်တချို့ကို ခွဲထုတ်ပြီးရွေးကောက်ပွဲ ကံစမ်းမဲထိုးသလို ထိုးလာနိင်ခြင်းဖြစ် ပါတယ်။ ဒါကြောင့် ဒီချုပ်အနေနဲ့ကတော့ လက်ရှိအနေထား အတိုင်းရပ်ခံသွားတော့မဲ့ အခြေအနေမှာရှိပါတယ်။ ဒါတွေကတော့ ၉၀ ရွေးကောက်ပွဲကို ဆုတ်ကိုင်ရုံဆုတ်ကိုင် အသက်သွင်းနိင်အောင်မကြိုးစား၊ ဒေါ်အောင်ဆန်းစုကြည် လွတ်မြောက်ရေးကိုတောင်းဆို အနေထားတက် ပိုမိုတိုးတက်တဲ့ လှုပ်ရှားမှုတွေလုပ်ဆောင်လာမဲ့ အနေထားမရှိတော့ဘူးလို့ ဆိုချင်ပါတယ်။ ဒီအခြေအနေကိုကျရောက် စေတာကတော့…..
• ဒေါ်အောင်ဆန်းစုကြည်နဲ့ ဦးတင်ဦးက အထိန်းသိမ်းခံနေရတယ်။
• လက်ရှိအဖွဲ့ ချုပ် အလုပ်အမှုဆောင်တွေက အသက်အရွယ်ကြီးရင့်မှု ၊ သူတို့ နေရာကို လူငယ်ခေါင်းဆောင်တွေနဲ့ အစားမထိုးကြတာ။
• နအဖ က အောက်တန်းကျကျ ဖိနှိပ်ထားတာတွေကြောင့် ဖြစ်ပါတယ်။

အပစ်ရပ်အဖွဲ့များနဲ့  ၂၀၁၀ ရွေးကောက်ပွဲ

အပစ်ခတ်ရပ်စဲရေးလုပ်ထားတဲ့ တိုင်းရင်းသားခေါင်ဆောင်တချို့ရဲ့ ၂၀၁၀ ရွေးကောက်ပွဲအပေါ်ကျင့်သုံးတဲ့ ပေါ်လစီကတော့ ရေလိုက် ငါးလိုက် ပေါ်လစီ ဖြစ်လာလိမ့်မယ်။
• သူတို့ ဟာ ရွေးကောက်ပွဲပေါ်ယုံကြည်မှုမရှိဘူး။
• ရွေးကောက်ပွဲမှာ မဖြစ်မနေပါရမယ်လို့ နအဖ က ဖိအားပေးလာရင် ရွေးကောက်ပွဲကိုတချို့က ၀င်ကြလိမ့်မယ်။ ပါတီနာမည်တွေအ သစ်နဲ့ဝင်တာမျိုးတွေလည်း ရှိလာနိင်တယ်။
• သူတို့ကို လက်နက်လမ်းစဉ်ကို အပြီးတိုင်စွန့်လွှတ်ဖို့ ဖိအားပေးလာနိင်တယ်။
အဖွဲ့ငယ်တွေက လက်နက်ကိုင်လမ်းစဉ်ကို စွန့်လွှတ်သွားလိမ့်မယ်။ အဖွဲ့ကြီးတွေအတွက်တော့ ဘေးကြပ်နံကြပ်စတင်ဖြစ်လာလိမ့်မယ်။ ၂၀၁၀ ရွေးကောက်ပွဲအပြီးမှာတော့ အပစ်ရပ်အဖွဲ့ တွေအတွင်းမှာ ဆက်တိုက်သူ၊ ရာသက်ပန်လက်နက်ချမဲ့သူ၊ အနားယူသွားမဲ့သူတွေ နဲ့ရှုပ်ရှက်ခတ်နေအောင်ရှိမှာပါ။ ပြန်လည်တိုက်ပွဲ ဆင်လာမဲ့အနေထားကတော့ အနည်းတက အနည်းဆုံးပဲဖြစ်လာလိမ့်မယ်။ ၂၀၁၀ ရွေးကောက်ပွဲရလဒ်ပေါ်မှာ တိုင်းရင်းသားလူမျိုးစု ဒေသတွေရဲ့ဖွံ့ဖြိုးရေးကိုရော လုံခြုံရေးကိုပါဘာမှ သိသာတဲ့ပြောင်းလဲတိုးတက်မှု တွေဖြစ်လာမှာမဟုတ်ပါဘူးလို့ ကျနော်ပြောချင်ပါ တယ်။

၂၀၁၀ မျက်နာသစ်များ

၁၉၉၀ ရွေးကောက်ပွဲတုန်းကတော့ ရွေးကောက်ပွဲဝင်မယ့် ပါတီတွေရှိတယ်။ ၀င်မယ့်ခါင်းဆောင်တွေရှိတယ်။ သူတို့မှာ Transparency and Accountability တွေရှိခဲ့တယ်။ ဆိုလိုတာကတော့ သူတို့ကဘယ်သူတွေလည်း ဘာတွေလုပ်ခဲ့လဲဆိုတာကို လူထုကသိခွင့်မြင်ခွင့် ရှိခဲ့တယ်။ အခု ၂၀၁၀ ရွေးကောက်ပွဲမှာ ဘယ်ပါတီတွေဝင်မှာလဲ၊ သူတို့ကဘယ်သူတွေလဲ၊ သူတို့ပေါ်လစီတွေက ဘာလဲဆိုတာကိုခု ထိလူထုက မသိရသေးဘူးဖြစ်ပါတယ်။ ဒါကလဲ နအဖရဲ့ အကွက်ဖြစ်ပါတယ်။ ပါတီနဲ့ခေါင်းဆောင်တွေကို လူထု ရင်းနှီးမိတ်ဆက်ခွင့်ကို ကြာကြာမပေးလေ ကောင်းလေဆိုတာကို၊ ပူတင်လက်ထက် ရုရှားရွေးကောက်ပွဲများ၊ မဟာသီယာလက်ထက်မလေးရှား ရွေးကောက် ပွဲများ၊ ထိုင်းနိင်ငံ တပ်ဆင်လက်ထက် ကြားဖြတ်ရွေးကောက်ပွဲ သင်ခန်းစာတွေက ရှိထားပါတယ်။

ရွေးကောက်ပွဲတွေဆိုတာကလည်း လူသစ်တွေထွက်ပေါ်လာတတ်တဲ့ အစဉ်အလာကလဲ ရှိထားပါတယ်။ ၁၉၉၀ ရွေးကောက်ပွဲမှာထူး ခြားတာတခုကတော့ ကိုလိုနီခေတ် နိုင်ငံရေးလှုပ်ရှားမှု တွေမှာပါဝင်ခဲ့တဲ့ နိုင်ငံရေး ခေါင်းဆောင်ကြီးတွေနေရာမှာ လူသစ်တွေအစား ထိုးရွေးချယ်ခံခဲ့ရပါတယ်။ ဒါကတော့မဟာ ၈၈ လှုပ်ရှားမှုကြီးရဲ့အရှိန်နဲ့ ဒေါ်အောင်ဆန်းစုကြည်ရဲ့အရှိန်တို့ကြောင့်ဖြစ်တယ်။ လူထုက ကိုယ်စားလှယ်တွေကို ရွေးချယ်ပေးလိုက်တယ်။ ဒါပေမယ့် ကိုယ်စားလှယ်တွေက လူထုကိုငရဲနဲ့နိဗ္ဗာန်မှာ ဘယ်လမ်းကိုသွားရမယ်ဆို တာကို မရွေးချယ်ပေးနိင်ခဲ့ပါဘူး။ ဒီတော့လူထုက ၂၀၁၀ ရွေးကောက်ပွဲကို ထွက်ပေါက်တခုဖြစ်လာနိင်မလားဆိုတဲ့ မျှော်လင့်ချက်က တော့ ၉၀ တုန်းကလို အားကောင်းကောင်းရှိမှာ မဟုတ်တော့တာသေချာနေပြီ။ ၂၀၁၀ မှာတော့ ရွေးကောက်ပွဲဝင်မဲ့သူတွေဟာ မျက်နာ သစ်တွေဖြစ်လာနိင်ပါတယ်။ သူတို့က ၁၉၉၀ တုန်းကမျက်နာသစ်တွေလို မဟုတ်တော့ပါဘူး။ သူတို့ကတော့ပြည်တွင်းရှိ ပညာတတ် လူငယ်တချို့နဲ့  ကုန်သည်အသိုင်းဝိုင်း တချို့ ဖြစ်တယ်။ သူတို့တွေရွေးကောက်ပွဲကိုဝင်မယ်။ လက်ရှိအခြေအနေပေါ်မှာသူတို့ ရူမြင်ပုံက

• သူတို့ကလက်ရှိမြန်မာပြည်မှာဖြစ်ပေါ်နေတဲ့အခြေအနေတွေဟာ သန်းရွေစစ်အုပ်စုရဲ့ အုပ်ချုပ်ရေးညံဖျင်းမှုကြောင့်လို့မြင်တယ်။
• လက်ရှိနိင်ငံရေးပြဿနာကို အကောင်းဆုံးဖြေရှင်းနိင်တာက အာဏာကိုစစ်တပ်ကကိုင်ထား၊ အုပ်ချုပ်ရေးနဲ့စီးပွားရေးကို ငါတို့ကိုပေး ကိုင်မယ်။
• ဒီမိုကရေစီ တဖြည်းဖြည်းတော့ ဖြစ်လာမယ်ဆိုတဲ့ပေါ်လစီ။

ဒီလူတွေက လူတွေနဲ့တွေ့ရင် သန်းရွေမကောင်းဘူး၊ ဒီချုပ်ကလည်း အရည်အချင်းမရှိဘူးလို့ ပြောလေ့ရှိကြတယ်။ သန်းရွေနဲ့တွေ့ရင် တော့ရနိင်သမျှ အခွင့်အရေးတွေကိုတောင်းယူလေ့ရှိကြသူတွေပါ။ ဒေါ်စုကိုတော့တခါမှ တွေ့ဖို့မကြိုးစား၊ လွှတ်ပေးပါလို့မတောင်းဆို၊ နအဖရဲ့ လူအခွင့်အရေးချိုးဖေါက်မှုနဲ့ လာဘ်စားမှုတွေအပေါ်မှာ တုံနိဘာဝေ၊ ဒီမိုကရေစီပြုပြင်ပြောင်းလဲမှုတွေ လေသံတောင်မဟဘူး သူတွေပါ။ ၂၀၁၀ ရွေးကောက်ပွဲအပေါ်မှာ ဖင်တကြွကြွအဖြစ်ဆုံးကသူတို့ ဖြစ်နေတာတော့ ဆိုးတာပဲ။

သန်းရွှေခေါင်းမာဂိုဏ်းရဲ့အကြံ

သန်းရွှေခေါင်မာဂိုဏ်းရဲ့ အမြင်က ဒီနေ့ဖြစ်ပေါ်နေတဲ့ အကြပ်အတည်းဟာ တရားဝင်မှု ( Legitimate Crisis ) လို့ယူဆကြတယ်။ စစ်တပ်အနေနဲ့ နိုင်ငံတော်အာဏာကို တရားဝင်ရယူနိင်ဖို့ ကြိုးပမ်းတဲ့အနေနဲ့ အခြေခံဥပဒေကိုအသက်သွင်းတယ်။ နောက်ဆုံးအဆင့် ကတော့ တရားဝင်ရွေးကောက်ပွဲနဲ့ အာဏာရတဲ့ပုံစံကို ဖန်တီးဖို့လိုလာပါတယ်။ စစ်တပ်ကို ကြိုးကိုင်ခြယ်လှယ်နေတာ သန်းရွှေ ဖြစ်ပါ တယ်။ ဒီနေ့ နအဖပြောနေတဲ့  လမ်းပြမြေပုံ ၇ ဆင့်ဆိုတာတွေဟာ သန်းရွှေရဲ့အကြံတွေသာဖြစ်တယ်။ ဒီနေ့ရွေးကောက်ပွဲနဲ့ပတ်သက် ပြီး သန်းရွှေ လုပ်မှာကတော့…..
၁- သူဟာ တပ်ထဲမှာတပ်ချုပ်ကြီးရာထူးကိုဆက်ယူထားမယ်။
၂- ၂၀၁၀ ရွေးကောက်ပွဲကိုလုပ်ပေးမယ်။ ( သူကိုယ်တိုင်ကတော့  ယူနီဖေါင်းချွတ်ပြီး ရွေးကောက်ပွဲကိုဝင်မှာ မဟုတ်ဘူး။ )
၃- စစ်တပ်က ပါတီတခုကိုဖွဲ့ပေးမယ်။ ဒီပါတီကိုယ်စားလှယ်တွေအဖြစ် လက်ရှိအစိုးရထဲက ၀န်ကြီးတချို့နဲ့ စစ်တပ်ထဲကတချို့ကိုရွေး ကောက်ပွဲဝင်စေမယ်၊ ( ပါတီနာမည်တောင်မှန်းလို့ရသေးရဲ့။ ဖွံ့ဖြိုးရေးတို့၊ တိုင်းရင်းသားညီညွတ်ရေး စတဲ့စာလုံးတွေပါတဲ့ နာမည်မျိုး တွေပါပါလိမ့်မယ်။ )
၎- အရပ်သားတွေထဲ ပါတီမှတ်ပုံတင်ခွင့်ပြုပြီး ရွေးကောက်ပွဲပေးဝင်မယ်။
၅- စစ်ဗိုလ်ထဲကထောင်နဲ့ချီပြီး အထက်အမိန့်နဲ့ ယူနီဖေါင်းချွတ်ခိုင်းပြီး ပုလိပ်ဖက်၊ မ၀တ ဖက်တွေစတဲ့အရေးမပါတဲ့ နေရာတွေကိုအ စားထိုးမယ်။ သူတို့ က ရွေးကောက်ပွဲအတွက် မဲဆွယ်တာတွေ လုပ်ပေးရဦးမယ်။
၆- အပစ်အခပ်ရပ်စဲထားတဲ့ တိုင်းရင်းသားပါတီတွေကို လက်နက်ကိုင် လမ်းစဉ်ကို အပြီးတိုင်စွန့် ခိုင်းမယ်။ လူမျိုးစုတွေထဲက တချို့ ခါင်းဆောင်တွေက ဘာညာကွီကွ နာမည်တွေနဲ့ ရွေးကောက်ပွဲကိုဝင်လာကြလိမ့်မယ်။
၇-ရွေးကောက်ပွဲမှာ စစ်တပ်က ကျောထောက်နောက်ခံပြုတဲ့ပါတီကို အနိင်ရစေမယ်။
၈- ယူနီဖေါင်းချွတ်များ၊ နိင်ငံရေးလူပြက်များတွေနဲ့ ညောင်စေးကျအောင် ရောသမမွေပြီးတဲ့အခါမှာ အတုအယောင်လွှတ်တော်ခေါ် ရုပ် သေးအစိုးရကိုဖွဲ့ စည်းစေမယ်။
၉- ပြီးတဲ့အခါမှာ တော့ သူက ၂၀၀၉ ခုနစ်အခြေခံဥပဒေအရ နိင်ငံတော်သမ္မတဟာ တပ်မတော်အကြီးအကဲ ဖြစ်ရမယ်ဆိုတဲ့မူနဲ့ သူဟာ ရုပ်သေးဆရာကြီးအဖြစ် နဲ့  အစိုးရအဖွဲ့ ရော စစ်တပ်ကိုပါ ကြိုးကိုင်နိင်ဖို့ ကြိုးပမ်းမှုမျှသာတည်း။

၂၀၁၀ နဲ့  ဒီမိုကရေစီမရနိင်

ဆရာကြီး ဦးဝင်းတင်ပြောသလို ၂၀၁၀ လမ်းကိုလိုက်ရင် ငရဲပဲရောက်မယ်ဆိုသလိုပဲ ၂၀၁၀ ရွေးကောက်ပွဲမှာ ကိုယ့်ဖက်က နိုင်ခြေမရှိ ပါ။ ဘာဖြစ်လို့လဲ ဆိုတာကတော့ရှင်းတယ်။ ခေါင်းဆောင်တွေထောင်ထဲမှာ၊ အောက်ခြေကလှုပ်လို့မရဘူးဖြစ်နေတယ်။ ဒီတော့စစ်တပ် က လက်ကိုင်ဒုတ်ပါတီ နိုင်မယ်။ ဒီတော့သူတို့ဟာ တရားဝင်မှုရသွားပြီ။ ငါတို့တော့သွားပါပြီလို့ ယူဆချင်သူတွေရှိတယ်။ ဒါဆိုမှားမယ်။ အဖြေက စစ်တပ်က ခုလည်းနိုင်နေတာပဲမဟုတ်လား။ ခုလည်းနိင်ငံတော်အာဏာ သုံးရပ်စလုံးကို ချုပ်ကိုင်ထားတာပဲမဟုတ်လား။ သူတို့ကနိုင်လိုက်လို့ ဥုံဖွဆိုပြီး အရာခပ်သိမ်း တိုးတက်ပြောင်းလဲမှုတွေဖြစ်မလာပါဘူး။ နိုင်ငံတကာက ထောက်ခံမှုတွေရလာဖို့ကတော့ အတွက်စံနှုန်းတွေရှိပါတယ်။
• ရွေးကောက်ပွဲဟာ တရားမျှတမှုရှိရဲ့ လား
• လူအခွင့်အရေး ချိုးဖေါက်ခံရမှုတွေဘယ်လောက် တိုးတက်လာသလဲ။
• နိုင်ငံရေးအကျဉ်းသားတွေ လွတ်ပြီလား
• စီးပွားရေးတိုးတက်မှုတွေဘယ်လောက်အထိရှိလာသလဲ
စတဲ့စံနှုန်းတွေကို ပြည့်မီအောင် ၂၀၁၀ မှာဘာမှမပါလာဘူး။ ၂၀၀၈ အခြေခံဥပဒေမှာ ဘာမှပြဋ္ဌာန်းမထားဘူး။ စစ်တပ်ကနိုင်ပြီလို့ နိုင်ငံ တကာကထောက်ခံလိုက်ပြီလို့ ကျနော်လုံးဝမယုံပါဘူး။

ကျနော်တို့ ဘာလုပ်ကြမလဲ

ကျနော်တို့လုပ်ရမှာကတော့ ၂၀၁၀ ရွေးကောက်ပွဲကိုပြတ်ပြတ်သားသား သပိတ်မှောက်ဖို့ဖြစ်ပါတယ်။ စီးပွားရေးမှာတင်မမြင်ရတဲ့ လက် ရှိနေတာမဟုတ်ဘူး။ နိုင်ငံရေးမှာလည်း မမြင်ရတဲ့ လှိုင်းလုံးကြီးရှိနေတတ်ပါတယ်။ မင်းကိုနိုင်နဲ့ ၈၈ ကျောင်းသားတွေ ဓါတ်ဆီဈေးကျဖို့ ချီတက်ဆန္ဒပြကြတော့ သံဃာလှုပ်ရှားမှုကြီးဖြစ်လာမယ်လို့ မတွက်ခဲ့ကြပါဘူး။ သံဃာလှုပ်ရှားမှုကြီးကို နအဖက နှိမ်နင်းလိုက်တော့ နာဂစ် မုန်တိုင်းကြီးဖြစ်လာမယ်လို့ ဘယ်သူကမှ မစဉ်းစားမိခဲ့ကြဘူး။ နအဖကို ပွဲသိမ်းစေတဲ့လှိုင်းလုံးကြီးတွေပါ။ ကျနော်တို့လက်ဦးမှု ကင်းမဲ့ခဲ့တယ်။

ဒီတခါလည်း ဧရာမလှိုင်းလုံးကြီးကလာနေပါပြီ။ လှိုင်းလုံးကြီးကတော့ စီးပွားရေးပျက်ကပ်လှိုင်းလုံးကြီးဖြစ်ပါတယ်။ အမေရိကန်နယူး ယောက်မြို့က စတော့ရှယ်ရှာဈေးကွက် ပျက်ရာကစလိုက်တဲ့ ငွေကြေးအကြပ်ရိုက်မှုကတကမ္ဘာလုံးကို အပြင်းထန်ရိုက်ခတ်လိုက်ပြီ ဖြစ်ပါတယ်။ ဒီလှိုင်းကအမေရိကန်ကိုလည်း မညှာသလို တရုတ်ကိုလည်းအလွတ်မပေးပါဘူး။ အမေရိကန်ဈေးကွက်ကိုရော၊ တရုတ် ဈေးကွက်ကိုလည်း မညှာပါဘူး။ အမေရိကန်ဈေးကွက်ဝယ်လိုအား ကျဆင်းမယ်။ တရုတ်ပြည်မှာစက်ရုံတွေ ထုတ်လုပ်မှုကျဆင်းလာ နိုင်တယ်။ မြန်မာပြည်လို ကုန်ကြမ်းပို့စားနေတဲ့ နိုင်ငံတွေရဲ့ကုန်ကြမ်းတွေ (သစ်၊ဆန်၊ ပဲ၊ ရေနံ၊ သဘာဝဓါတ်ငွေ့) ဒလဟောဈေးကျ ဆင်းလာတာတွေ ဖြစ်လာမှာဖြစ်ပါတယ်။ ရလဒ်ကတော့အာရှမှာ အလုပ်လက်မဲ့ပြသာနာက နိင်ငံရေးမတည်မငြိမ်မှုတွေ အဆက်မ ပြတ်ဖြစ်လာမှာပဲဖြစ်ပါတယ်။

၂၀၁၀ ရွေးကောက်ပွဲမှာ စစ်တပ်ကနိင်ခြင်းမနိင်ခြင်းကို ကျနော်စိတ်မ၀င်စားပါဘူး။ စိတ်ဝင်စားတာကတော့ မဟာစီးပွားပျက်ကပ် အတွက် နအဖ မှာ ဘာအစီစဉ်မှာ မရှိဘူးဖြစ်နေခြင်းဖြစ်ပါတယ်။ နပိုလီယံပြောခဲ့သလိုပဲ စစ်တပ်က အစာအိမ်နဲ့ချီတက်တာဆိုတာကို ဒီနေ့ဗိုလ်ချုပ်တွေမေ့နေပါတယ်။ နအဖ ၀န်ကြီးချုပ်သိန်းစိန်ကတော့ မြန်မာပြည်မှာအလုပ်အကိုင်တွေ အများကြီးရှိတယ်။ အလုပ်သ မားတွေပြန်လာနိင်တယ်လို့ ဆိုပါတယ်။ အလုပ်တွေပေါတာသေချာတယ်။ ဒါပေမဲ့အလုပ်ထက်ပိုပေါတာကတော့ လုပ်အားခဖြစ်နေခြင်း ဖြစ်ပါတယ်။ တနေကုန်လုပ်လို့ ထမင်းတနပ်ဖိုး မရတဲ့လုပ်ခဖြစ်နေပါတယ်။ ဒီတော့ သိန်းစိန်ပြောသလို့ အလုပ်သမားတွေပြန်လာမှာပါ။ ရိုးရိုးလာမှာတော့မဟုတ်ဘူး။ သူခေါင်းကိုရိုက်ခွဲဖို့ ပေါက်တူးတွေ၊ တူးရွင်းတွေကိုင်ပြီးပြန်လာခဲ့တော့မှာ မဝေးတော့ဘူးလို့ဆိုပါရစေ တော့။

မမြင်ရတဲ့ လှိုင်းကြီးလုံးကြီးက ပစိဖတ်သမုဒ္ဒရာကိုဖြတ်ပြီး မြန်မာပြည်ကိုဦးတည်နေပါပြီ။ ဒီလှိုင်းကြီးကြွလာမယ်။ ဒီလှိုင်းကြီးကိုပစ် မှတ်ကိုထိအောင် ကျနော်တို့ ဦးတည်ပေးရမယ်။ ၂၀၁၀ ရွေးကောက်ပွဲကို လုံးဝမဲမပေးကြနဲ့အိမ်ထဲက အိမ်ပြင်မထွက်ကြဖို့ ကျနော်တို့ လှုံ့ဆော်ရမှာဖြစ်ပါတယ်။ ၂၀၁၀ရွေးကောက်ပွဲဟာ ကျနော်တို့ရဲ့ထွက်ပေါက်မဟုတ်။ ထွက်ပေါက်အမှန်ကတော့ စစ်အာဏာရှင်စနစ် ကိုဖြိုချပြီး ဒီမိုကရေစီပြုပြင်ပြောင်းလဲမှုဆိုတဲ့ လူထုလှုပ်ရှားမှုအတွက် ကျနော်တို့ အစွမ်းကုန် ကြိုးပမ်းကြရမယ်။

မိုးသီးဇွန်

(ဒီဇင်ဘာ၊ ၂၀၀၈)
လွတ်မြောက်ရေးအတွက် တိုက်ပွဲဝင်ကြစို့ E Book မှ
http://www.naytthit.com/articals/Dec09/ko%20Mothee.html

တကွက်မှားလျှင် ၂၀၁၀ မှာမြွေပေါက်ခံသွားရနိုင်တယ်

လက်ရှိ န-အ-ဖ ဧ။် နိုင်ငံတကာပေါ်လစီ အပြောင်းအလဲဖြစ်လာသည်ကို အားလုံးသိပြီးဖြစ်သည်။ အရင်က အာဆီယံ၊ တရုတ်၊ အိန္ဒိယ နှင့် ဂျပန်(လူမှုရေးအကူအညီ) လောက်သာရှိသည်။ အခုတော့ အမေရိကန်အပြင်၊ ဥရောပသမဂနှင့်ပါ ဆက်သွယ်လာပြီဖြစ်သည်။ သူ့ ရဲ့ ကစားကွက်ကို ချဲ့ ထွင်လာ သည်ဟု စကားကြီးစကားကျယ်ပြောလို့ ရသည်။ အခုအမေရိကန်ကို မကျေနပ်ကြောင်းပြချင်ရ်ူ အီးယူကို သံတမာန်ရေးအရ ဆက်သွယ်လိုကြောင်းပြသခြင်းဖြစ်နိုင်သည်။ တဖက်မှာလည်း တရုတ် နှင့် လူမသိသူမသိစကားပြောနေမည်မှာ အမှန်ဖြစ်သည်။အရင်က န-အ-ဖ သည်ချောင်ပိတ်မိသောခွေး နှင့်တူသည် မဲမဲမြင်ရာကို ပြေးကိုက်သည်။ ယခု မဟုတ်တော့။ပညာတတ်လာသည်။ အရမ်းအဆိပ် ပြင်းသည့်မြွေက အစွယ်ကျိုးချင်ယောင်ဆောင်ရ်ူ ခွေနေသည်။ ပြီလျှင် အားအပျော့ဆုံးသူကို ရုတ် တရက်ထပေါက်ရ်ူ ထွက်ပေါက်ရှာသွားမည့် လုပ်ရပ်မျိုးဖြစ်သည်။ မည်သူတွေ အားအပျော့ဆုံး ဖြစ် မည်နည်း။

အမျိုးသားဒီမိုကရေစီအဖွဲ့ ချုပ်က ရွှေဂုံတိုင်ကြေညာစာတမ်း ထုတ်ပြန်ခဲ့သည်။ ပြည်တွင်းပြည်ပ အတိုက်အခံများတခဲနက်ထောက်ခံကြသည်။ ထို့ နောက် ဒေါ်အောင်ဆန်းစုကြည်က ဗိုလ်ချုပ်မှူးကြီး သန်းရွှေထံ တိုင်းပြည်အတွက်ပူးပေါင်းဆောင်ရွက်လိုကြောင်း စာတစ်စောင်ရေးပို့ ခဲ့သည်။ ရွှေဂုံတိုင် ကြေညာချက်ကို အားဖြည့်လိုက်ခြင်းဖြစ်သည်။ ကောင်းသည်။ ပြသနာက အဖွဲ့ ချုပ်အနေနှင့် ၄င်းတို့  ကိုယ်တိုင်ထုတ်ပြန်ခဲ့သော ကြေညာစာတမ်းကို အားဖြည့်သည့် မည်သည့်လှုပ်ရှားမှုမှ ပေါ်မလာပဲ  ကျောက်ချငုတ်တုပ်ကြီးဖြစ်နေခြင်းဖြစ်သည်။ အထွေထွေအတွင်းရေးမှူး ဒေါ်အောင်ဆန်းစုကြည် ကမှု ဆန်ရှင်ကို အကြောင်းပြပြီး နိုင်ငံရေးအတွင်းကို အကျယ်ချုပ်မှတဆင့်ပြန်လည်ဝင်ရောက်ခဲ့သည်။ လူထုခေါင်းဆောင်ဒေါ်အောင်ဆန်းစုကြည်ကို ဗမာပြည်နိုင်ငံရေးအတွင်းမှဖယ်ထုတ်မည့် န-အ-ဖ အကြံပျက်သည့်ကိန်းဖြစ်သည်။ သူမဧ။်ရပ်တည်ချက်က ရှင်းလင်းပြတ်သားသည် တိုင်းပြည်အတွက် အမှန်တကယ်အကျိုးရှိမည်ဆိုလျှင် ဘာဖြစ်ဖြစ်လုပ်လိမ့်မည်။ လိုအပ်ရင်ပါတီဖျက်သိမ်းသင့်က ဖျက်သိမ်းပစ်ရမည်ဟု မိန့် ခွန်းတစ်ခုတွင်ပြောဖူးသည်။ဒီတော့ သူမသည် အားပျော့သည့်အထဲတွင် မပါ သမိုင်းတွင်မြွေပေါက်ခံရကိန်းမရှိ။

နေအိမ်အကျယ်ချုပ်ကျခြင်း၊ အဖွဲ့ ချုပ်ဗဟိုအလုပ်မှုဆောင်အဖွဲ့ နှင့် တိုက်ရိုက်တွေ့ ဆုံဆွေးနွေးခွင့် မရ ခြင်းတို့ ကြောင့် အဖွဲ့ ချုပ်က သီးခြား ၊ ဒေါ်အောင်ဆန်းစုကြည်က သီးခြား ဖြစ်သွားသည်။ သီအိုရီအရ မဖြစ်သည့်တိုင်လက်တွေ့ မှာဖြစ်သည်။ အဖွဲ့ ချုပ်သည် လူတန်းစားအသီးသီးနှင့်ဖွဲ့ စည်းထားခြင်းဖြစ် သည်။ ပညာတတ်၊ ပညာချို့ငဲ့၊ လယ်သမား ၊ ရှေ့ နေ ၊ ဆေးဆရာ ပြီးတော့ သတင်းပေး စုံလင်လှ သည်။ ပရိုပိုဆယ်နိုင်ငံရေးသမားရှိသလို၊ အိတ်စိုက်နိုင်ငံရေးသမားများလည်းရှိသည်။ ဒေါ်အောင်ဆန်း စုကြည် နေအိမ်အကျယ်ချုပ်ကျနေပြီဆိုလျှင် အဖွဲ့ ချုပ်တွင် စီအီးစီနှင့်နီးစပ်သူသည်သြဇာအာဏာရှိသူ ဖြစ်လာသည်။အဖွဲ့ ချုပ်ဧ။်ဖွဲ့ စည်းတည်ဆောက်ပုံက မကျစ်လစ်။ ကျစ်လစ်မလိုလိုဖြစ်လာရင်လည်း န-အ-ဖက တိုက်ခိုက်သည်နှင့် မဖြစ်နိုင်ဖြစ်နေသည်။ တစ်ဖက်ကကြည့်လျှင်လည်း အရေး ကြီးသောကိစ္စရပ်များ(ဥပမာ-ရွှေဂုံတိုင်ကြေညာချက်) တွင် အဖွဲ့ ချုပ်ခေါင်းဆောင်များ သေချာစဉ်းစား ဆောက်ရွက်သည်။ နိုင်ငံတကာနှင့်အခြားအင်အားစုများဧ။်ဆန္ဒကိုထည့်တွက်သည်ကိုတွေ့ ရသည်။ သို့ သော်တိကျသော အက်ရှင်ပလန် မရှိခြင်း။ညီညွှတ်သော နောက်ပါအင်အားစုမဖန်တီးနိုင်ခြင်းတို့  ကြောင့် အဖျားရှူးသွားတတ်သည်။ န-အ-ဖဆီက တစ်ခုခုမြှော်ကိုးရင်းအလံနီသစ္စာဖောက်သခင်တင်မြ  တို့ လိုဖြစ်သွားနိုင်သူတွေ အဖွဲ့ ချုပ်အတွင်းမှာရှိနေသည်။ ရွေးကောက်ပွဲဝင်မည်ဆိုသည်နှင့် အဖွဲ့ ချုပ် မှနုတ်ထွက်ပြီး ရွေးကောက်ပွဲကိုဆန့် ကျင်မည့်သူများလည်း ဒုနှင့်ဒေး ရှိသည်ဒါကြောင့်အားနည်းသူမှာ   အဖွဲ့ ချုပ်ဖြစ်သွားနိုင် သည်။သတိကြီးကြီးမထားလျှင်သမိုင်းမှာမြွေပေါက်ခံရနိုင်သည်။

န-အ-ဖ သည် ရွေးကောက်ပွဲမတိုင်မှီနိုင်ငံရေးကို စိတ်မ၀င်စားပါ။ စိတ်ဝင်စားလို့ လဲ မဖြစ်။ သူတို့ နိုင်ငံရေး နှစ်နေရာမှာ ရှိနေသည်။ နိုင်ငံတကာနှင့် တိုင်းရင်းသားအရေးတွင်ဖြစ်သည်။ ဒီနှစ်ချက်ကို ကြည့်လျှင် လက်ရှိလုပ်ပေးနေသောလိုက်လျောမှုအချို့ုသည်လိမ်နေတာဖြစ်သည်။တိုင်းရင်းသားအ ချို့ အငိုက်မမိဖို့  လိုအပ်သည်။ အငိုက်မိသည့် ငြိမ်းအဖွဲ့ ပဲဖြစ်ဖြစ် လက်နက်ကိုင်ပဲဖြစ်ဖြစ် သမိုင်းတရား ခံဖြစ်သွားနိုင်သည်။ ကချင်အဖွဲ့န-အ-ဖကိုရင်ဆိုင်သည့်ဗျူဟာကို အားကျနေသည့် တိုင်းရင်းသားအဖွဲ့ များရှိသည်။ သူများနှင့်လိုက်သည့်စတိုင်လ်က ကိုယ်နှင့်လိုက်ချင်မှလိုက်မည်။ ဒီကေဘီအေကတော့ မြွေအကြိမ်ကြိမ်အကိုက်ခံနေရပြီဖြစ်သည်။ ကေအန်ယူက ဆေးကုနေရသည်။ ၀တပ်ဖွဲ့ လည်း သိသိကြီး နှင့် အကိုက်ခံရမည့်သဘောဖြစ်သည်။ သို့ သော် တရားဝင်ရွေးကောက်ပွဲတွင်အနိုင်ရထားသော တိုင်းရင်းသားပါတီများဧ။်ရပ်တည်ချက်မှာ ယခုအချိန်အထိ မှန်ကန်နေသောကြောင့် သူ့ လူနာနှင့် သူ့ ဆေးဆရာဖြစ်လာစရာရှိသည်။ မြွေပေါက်ခံနိုင်ကိန်းကို ကျော်လွှားနိုင်သည့် အခြေအနေရှိသည်။ ယတိပြတ်တော့ ပြောလို့ မရပေ။

ရွေးကောက်ပွဲဝင်သည့်သူသည်သမိုင်းတရားခံဖြစ်မည်ဟုအတိအလင်းပြောချင်သည်။ တတိယအင် အားစုဟုအမည်တွင်သူများ ၊ န-အ-ဖ ဧ။်အခပေးရှေ့ နေမောင်စူးစမ်း စသည်တို့ က စပေ့စ်အကြောင်း ကိုတွင်တွင်ကျယ်ကျယ်ပြောနေကြသည်။ သနားစရာကောင်းတာက ၂၀၁၀သာနီးလာသည် သူတို့ ပြောသည့်စပေ့စ်ဘယ်နားမှန်းမသိ။ ဦသုဝေကတော့ပါတီစည်းရုံးရေးလုပ်ငန်းကို တရားမ၀င်လုပ်နေရ သည်ဟုဆိုသည်။ ဦးသုဝေနှင့်အေးလွင်တို့  ရပ်တည်ချက်ခြင်းဒီနေရာမှာကွဲသည်။ အေးလွင်က န-အ-ဖ ဘက်တော်သား။ ဥိးသုဝေက စပေ့စ်ကိုယုံကြည်သူ။ မည်သို့ ပင်ဖြစ်စေ စပေ့စ်သမားတွေတောင်  တရားဝင်လုပ်မရဖြစ်နေသည်။ အေးလွင်တို့ လုပ်သည်ကိုတော့ မသိချင်ယောင်ဆောင်နေသည်။န-အ-ဖ ဧ။် အတိုက်အခံ အတွင်း ပြည်သူလူထုအတွင်သွေးခွဲသပ်လျိုသည့် လုပ်ငန်းအောင်မြင်သည် ဟုပြောရမည်။ တတိယ အင်အားစုများကတော့ ယခုကတည်းက အဆိပ်သင့်နေပြီဖြစ်သည်။ သို့ သော်ဒီလောက်ကြီးမစိုးရိမ်ရ ဗမာပြည်နိုင်ငရေးသဘာဝကိုက ဆင်သွားမှလမ်းဖြစ်သည်။ ဘယ်သူဘာနေနေ ဒေါ်အောင်ဆန်းစု ကြည်နှင့် ဗိုလ်ချုပ်မှူးကြီးသန်းရွှေက မလုပ်ချင်လျှင်ဘာမှဖြစ်မည်မဟုတ်။ ပုဇဉ်းရင်ကွဲတွေလိုသာဖြစ် နေမည်။ မောင်စူးစမ်းနှင့်သခင်တင်မြအကြောင်းကိုတော့ ကွန်မြူနစ်ပါတီက ကောင်တာပြန်ပစ်သည်။ အားရသည်။ လူငယ်များအတွက် တကယ်အကျိုးရှိသည်။ သမိုင်းကြောင်းကိုပြန်လှန်ပြသည့်အတွက် သင်ခဏ်းစာများ ရသည်။ သို့ သော်ကွန်မြူနစ်ပါတီအနေနှင့်ဒီထက်ပိုမိုပြီး ပြည်တွင်းအတိုက်အခံအင် အားစုများနှင့်ပူးပေါင်းဆောင်ရွက်သင့်သည်။ လူထုလှုပ်ရှားမှုများဖြစ်ပေါ်လာအောင်အကြံညဏ် ကောင်းများပေးနိုင်မည်ဟုယူဆသည်။ မ-ဆ-လ တိုက်ခဲ့သည့်ဝါဒမှိုင်းကိုဖြေရှင်းပေးနေသည့်အဆင့် ထက် ပိုပြီးဆောင်ရွက်စေလိုသည်။

ဗမာပြည်နိုင်ငံရေးမှာ ဒေါ်အောင်ဆန်းစုကြည်နှင့် ဦးသန်းရွှေအပြင်တကယ်အရေးပါသည့် အင်အားစု တရပ်ရှိနေသေးသည်။ မျိုးဆက်သစ်လူငယ်များဖြစ်သည်။ထောင်ထဲဘယ်သူမှမ၀င်ချင်ကြပေ။ ဒီတော့တခြားနည်းလမ်းကိုရွေးရမည်။ အရင်းနည်းနိုင်သမျှနည်းနည်းနှင့် အမြတ်များနိုင်သမျှများများ ရအောင်လုပ်ရမည်။ ဥိးဝင်းတင်ပြောသည့်နိုင်ငံရေးပုံစံသစ်ကို ဂရုပြုရမည်။ တူတာတွေကိုအတူတူလုပ် ပြီးမတူတာတွေကိုခွဲလုပ်ရမည်။ သေချာတာက နိုင်ငံရေးစကားလုံးတွေပြောနေမှ နိုင်ငံရေးမဟုတ်။ သူငယ်ချင်းအချင်းချင်းကြား မိသားစုကြားမှာ သြဇာသက်ေ၇ာက်နေအောင်လုပ်ခြင်း၊ ပတ်ဝန်းကျင်ရပ် ကွက်အတွင်း ငယ်ပေမယ့် အကြည်ညိုခံရအောင်နေထိုင်နိုင်ခြင်းတို့ လဲ နိုင်ငံရေးဖြစ်သည်ဆိုတာကို သိ၇မည်။ အချင်းချင်းစည်းရုံးရမည် ။ တွေ့ ဆုံဆွေးနွေးရေးလုပ်မလိုလိုအသံကြားသည်နှင့် ရေစုံမျှော လိုက်သည့်အကျင့်ကိုမဖျောက်လျှင် မြွေပေါက်ခံရကိန်းရှိသည်။ ဒီတော့ကိုယ့်အလုပ်ကိုယ်လုပ်ရမည်။ စည်းရုံးရေးနှင့် လူငယ်အချင်းချင်းပညာပေးရေးဖြစ်သည်။ သိုသိုသိပ်သိပ်နှင့် အရံသင့်စည်းလုံးညီ ညွှတ်သော အင်အားတရပ်ကိုထူထောင်ထားရမည်။ ဦးသန်းရွှေအခြေအနေမဟန်သည်နှင့် လုပ်သင့် လုပ်ထိုက်သည်များကိုသွက်သွက်လက်လက်ထက်ထက်မြက်မြက်လုပ်ရမည်။ ဒါကြောင့်လူငယ်တိုင်း နိင်ငံရေးအခြေအနေနှင့် အကြမ်းမဖက်နည်းနာများကိုလေ့လာထားရမည်။ နိုင်ငံတကာကိုလဲ အာရုံထားရမည်။ အန်အယ်လ်ဒီလူငယ်များပိုအရေးကြီးပါသည်။ ရာထူးကြိးသလို တာဝန်လဲကြီးသည် ကိုသတိရပါ။ လူငယ်အချင်းချင်း(အာဏာရှင်စနစ်ဖယ်ရှားရေး)အတွက်ညီညွတ်ရေးကျယ်ပြန့်ခိုင်မာအောင် လုပ်ထားသင့်ပါသည်။

တဆင့်တက်လျှင် လူကြီးလူငယ်ညီညွတ်ရေး ရာနှုန်းပြည့်မရတောင် ၇၀ ရာနှုန်းရအောင် တည်ဆောက်ရပါမည်။ ညီညွတ်သော အင်အားစုတခုကသာ ရုတ်တရက်ပေါ်လာမည့် နိုင်ငံရေးဟာကွက်ကို ဖြည့်နိုင်မည် ထင်ပါသည်။ထိုအင်အားစုသည် လူငယ်တို့ဧ။် ညီညွှတ်မှု စည်းရုံးမှု တို့ အပေါ်အခြေခံမည်ဖြစ်သည်။

ရန်ငြိမ်းအောင်(လူငယ်)

တစ်ခါက

တောင်ဥက္ကလာ ကားလမ်းမ တစ်ခုမှာ ရှိတဲ့ လူငယ်တော်တော်များများ ထိုင်သော နေရာတစ်နေရာကို ဦးထုပ်ခပ်ငိုက်ငိုက် ဆောင်းထားပြီး ဂျင်းအကျီင်္ဝတ် လူနှစ်ယောက် ဝင်လာတယ်.။ သူတို့ မျက်နှာတွေကို သေချာစွာ မမြင်ရ.။ ဒါကြောင့် ဘယ်သူတွေမှန်းလည်း မသိ.။ ဘယ်သူမှလည်း သူတို့ကို အလေးထား စိတ်ဝင်စား မနေကြပါ.။
သူတို့ ဝင်လာတဲ့ အချိန်က နေ့လည် ၁ နာရီခွဲဆိုတော့ နေ့လည် ဆိုတာ သာမာန် ထမင်းစားပြီးသူတွေ ထိုင်တတ်တဲ့ အချိန်မဟုတ်.။ ဒီအချိန်မှာ လူငယ်တွေကသာ သူတို့ကြိုက်ရာ သီချင်းလေးတွေကို နားထောင်ဖို့ ထိုင်တတ်ကြတာ.။ ဒီဆိုင်ကလည်း သူ့အနားပတ်ဝန်းကျင်မှာတော့ နံပါတ်တစ် ၊ ထိပ်တန်းဆိုင် ။ ဒီလူနှစ်ယောက် ဆိုင်ထဲမှာ ထိုင်နေတဲ့ အချိန်မှာ ဒီဆိုင်မှာ ဖွင့်ထားတာက အဲဒီအချိန်မှာ နာမည်ကြီး လူငယ် အကြိုက်ဆုံး သီချင်းခွေ ၊ လူငယ်အားလုံးကလည်း ဒီသီချင်းလေးကို နားထောင်နေတဲ့ အချိန် ။
ဒီလိုနဲ့ တစ်နာရီလောက်ကြာတော့ ဦးထုပ်ခပ်ငိုက်ငိုက် ဆောင်းထားတဲ့ လူနှစ်ယောက်ထဲက အသက်ငယ်ငယ်နဲ့ လူတစ်ယောက်က ကောင်တာကို ထသွားပြီး သူ့လက်ထဲက သီချင်းခွေလေး တစ်ခွေကို ကောင်တာမှာ ထိုင်နေတဲ့ ဆိုင်ရှင်ကို ပေးတယ်.။

“ အကို ကျွန်တော့်ကို ဒီအခွေလေး ဖွင့်ပေးပါလား.။ ”

ဒီတော့ ဆိုင်ရှင် အကိုကြီးက. . .

“ ဟ . . မင်းအခွေက ဘာခွေလဲကွ. .။ ”

“ ဟို. .သီချင်းခွေပါ. ။ ကျွန်တော်ကိုယ်တိုင် ဆိုထားတာ. . ။ အဲဒါ ဘယ်လိုနေလဲ လို့ စမ်းဖွင့်ကြည့်စေချင်လို့ပါ.။ ”

ဒီတော့ ဆိုင်ရှင် အကိုကြီးက  . .

“ အင်းလေ . . ခဏတော့ရမယ်.။ ဒါပေမဲ့ ငါတို့ကလည်း Customer တွေနဲ့ လုပ်ရတာ ဆိုတော့ သူတို့ ကြိုက်တာ ၊ အခု ခေတ်ပေါ်နေတာတွေကို ဖွင့်ပေးရတယ်.။ မင်းသီချင်းခွေကို ဖွင့်လို့ သူတို့ မကြိုက်ဘူး ပိတ်ပေးပါ ဆိုရင်တော့ ငါ့ကို အပြစ်တော့ မပြောနဲ့ကွာ.နော်..။ နားလည်ပေး .။ ဟုတ်ပြီလား.။ ”

ဒီတော့ သီချင်းခွေဖွင့််ခိုင်းတဲ့ အဆိုတော် ပေါက်စလေးက မျက်နှာငယ်လေးနဲ့. .

“ ဟုတ်ကဲ့. . အကို.။ ကျွန်တော် နားလည်ပါတယ်.။ ”

“ ဒါနဲ့ မင်းအခွေက ထွက်ပြီလား.။ ”

“ မထွက်သေးဘူး အကို.။ ဒီလကုန်ထွက်မယ်.။ ”

“ သြော်..အေးအေး..။ ဒီသီချင်းပြီးရင် ဖွင့်ပေးမယ်.။ ”

ဒါနဲ့ ခဏနေတော့ လက်ရှိဖွင့်နေတဲ့ သီချင်းလည်း ပြီးရော ၊ ဆိုင်ရှင် အကိုကြီးက အဆိုတော်သစ်လေး ပေးလိုက်တဲ့ အခွေလေးကို ဖွင့်လိုက်တယ် ဆိုရင် ဆိုင်ထဲက လူငယ်တွေ ငြိမ်ကျသွားတယ်.။ အကောင်းငြိမ်တာတော့ မဟုတ်ပါ. ။ သူတို့ မျှော်လင့်ထားတာက ဒီသီချင်းပြီးရင် နောက် ဘာသီချင်းပေါ့ .။ အခုတော့ သူတို့ မသိတဲ့ သီချင်းသံထွက်လာတယ်.။ ဒါကြောင့် နားစွင့်ရင်း ငြိမ်သွားတာ…။
ဒီမှာ သူတို့ မကြားဖူးတဲ့ အဆိုတော် တစ်ယောက်ရဲ့ ပေါက်ကွဲအော်ဟစ် တေးဆိုသံကို ကြားလိုက်ရတယ်.။ ဒီတော့ ငြိမ်နေတဲ့ လူငယ်တွေ ဘာမှ မပြောပဲ တစ်ပုဒ်တော့ နားထောင်နေတယ်.။ ပြီးတော့ နောက်ထပ် တစ်ပုဒ်လည်း ရောက်ရော. . ဆိုင်ထဲက လူငယ်တွေက

“ ဟာ..ဘာသံကြီးလဲဗျာ.။ ဘာသံနဲ့ အော်ဟစ်နေတာလဲ..။ ကို—-ရေ ဘာတွေဖွင့်နေတာလဲဗျာ..။ ဘယ်က သီချင်းကြီးလဲ.။ ခုနခွေပဲ ပြန်ပြောင်းလိုက်ပါ.။ ”

ဒီတော့ ဆိုင်ရှင်က

“  ဟိုက ညီလေး ဖွင့်ခိုင်းတာပါကွာ.။ သူဆိုထားတဲ့ သီချင်းလို့ ပြောတယ်.။ ခဏလေးပါ.။ ၃ ၊ ၄ ပုဒ်လောက်ပါပဲ..။ ခဏတော့ နားထောင်ကြည့်ပါကွာ..။ ”

ဒီလိုနဲ့ ၃ ၊ ၄ ပုဒ် ပြီးသွားတော့လည်း အဆိုတော်အသစ်ရဲ့ အသံကို ကြားဖူးနေတာ မဟုတ်တဲ့ အတွက် သူတို့ နားမယဉ်ပဲ ကန့်ကွက်ကြပြန်တာပါပဲ..။

“ ကို—-ရေ.။ ပိတ်ပါတော့ဗျာ.။ အကို ပိတ်မလား ၊ ကျွန်တော်တို့ ပြန်ရမလား..ဟားဟားဟား..။ ”

ဒီလိုနဲ့ ဆိုင်ထဲမှာ အမြဲလာ စားသောက်ကြပြီး ဆိုင်ရှင်နဲ့ ရင်းနှီးနေတဲ့ လူငယ်တွေက ဒီလို ပြောတော့ ဆိုင်ရှင် အကိုကြီးလည်း ခွေကို ထုတ်ဖို့ပဲ ဖြစ်နေတော့တယ်.။
အဆိုတော် လူငယ်လေးကို ကြည့်လိုက်တော့ မျက်နှာ မပေါ်အောင် ငိုက်ဆောင်းထားတဲ့ ဦးထုပ်အောက်က ခေါင်းက အောက်ကို စိုက်ကြနေတယ်.။ ဒါ အရက်မူးနေလို့ မဟုတ်ပါ.။ စိတ်ဓါတ်ကျသွားမိခြင်းပါပဲ.။
အဆိုတော် လူငယ်လေးနဲ့ အတူတူ ပါလာတဲ့ နောက်ထပ် တစ်ယောက်ကတော့ ဘာမှ တုန်လှုပ်ပုံမပြ ၊ သူ့မျက်နှာကိုလည်း မမြင်ရ.။ အဆိုတော်လေးကိုလည်း အားပေးစကားမပြော ၊ အဆိုတော်လေးကတော့ လက်တွေတောင်မှ တဆက်ဆက်တုန်နေပြီ…။ ဒီအချိန်မှာပဲ ဆိုင်ထဲက လူငယ်တွေက . .

“ ကို— ပြောင်းလိုက်တော့လေဗျာ.။ အခု သီချင်းက ဘာတွေမှန်းလည်း မသိဘူး.။ ”

တကယ်တော့ အဆိုတော် အသစ်ဆိုတဲ့ အတိုင်း သူ့အသံ ၊ သူ့ဆိုပေါက်ကို မရင်းနှီးသေးလို့ပါ.။ ဒါကြောင့်လူငယ်တွေ လက်မခံနိုင် ဖြစ်နေကြရတာ.။ ဒါနဲ့ပဲ နောက်ဆုံးမှာ လူငယ်တွေရဲ့ တောင်းဆိုမှုကြောင့် ဆိုင်ရှင် အကိုကြီးလည်း ဘာမှ မတတ်နိုင်ပဲ စိတ်မကောင်းစွာ အဆိုတော်သစ်လေးရဲ့ အခွေကို ထုတ်ဖို့ လက်အပြင်လိုက်မှာ…

“ မထုတ်ပါနဲ့..ဖွင့်ထားပါဦး.။ ဒီသီချင်းလေးက ကောင်းပါတယ်.။ နင်တို့ကလည်းဟာ ခဏတော့ စောင့်ပါဦး.။ နင်တို့ နားမယဉ်သေးလို့ မကောင်းတာပါ.။ အသစ်ဆိုတော့လည်း ဒီလိုပဲပေါ့.။ နင်တို့က အသစ်ဆို လက်မခံချင်တာ.။ ”

ဒီလို အသံလေးတစ်ခုကို ကြားလိုက်ရတော့ ခေါင်းငိုက်စိုက်ကျနေတဲ့ အဆိုတော်သစ်လေး ခေါင်းဆက်ခနဲ့ မတ်လာပြီး အသံရှင်ကို ကြည့်လိုက်တော့ ကောင်မလေး တစ်ယောက်.။ သူနဲ့ အတူတူ သူ့အဖေလို့ထင်ရတဲ့ လူတစ်ယောက်နဲ့ လက်ဖက်ရည်ဆိုင် လာထိုင်တာ လို့ ထင်တယ်.။ ဆိုင်ထဲမှာ ရှိတဲ့ လူငယ်တွေနဲ့ကလည်း တစ်ရပ်ကွက်သားချင်းဆိုတော့ သူငယ်ချင်း ဖြစ်ဟန်တူတယ်.။ ဒါကြောင့်လည်း ကောင်မလေးက ဒီလို ပြောရဲတာ ဖြစ်မည်.။
ပြီးတော့ ကောင်မလေး ဆက်ပြေတယ်. . .

“   ပြီးတော့ နင်တို့ စဉ်းစားကြည့်လေ.။ နင်တို့သာ ဒီလို အဆိုတော် ဖြစ်ပြီး နင်တို့ ဆိုထားတာကို ဒီလို အပြောခံရပြီး အဝေဖန်ခံရရင် ဘယ်လို ခံစားရမလဲ..။ ဝေဖန်တယ် ဆိုပြီး မကောင်းတာ ပြောမှာထက် ဘယ်လို လုပ်ရင် ကောင်းမယ် ဆိုတာကိုပဲ ကြည့်ပြီး အကောင်းဘက်ကိုပဲ ပြောတတ်ရတယ်.။  ”

သူမ ဒီလို ပြောလိုက်တော့ ဆိုင်ထဲက လူငယ်တွေကလည်း ဘာမှမပြောတော့ အဆိုတော် လူငယ်ဘက် လှည့်ကြည့်ပြီး ငြိမ်သွားတယ်.။ သူတို့လည်း အားနာသွားတဲ့ ပုံစံတွေ ပြလာကြတယ်.။ ဒါနဲ့ပဲ အဆိုတော်သစ်လေးရဲ့ အခွေကို တစ်ဖက်လုံးလုံးပြီးအောင် ဖွင့်ခဲ့တယ်.။ တစ်ဖက်ပြီးတဲ့ အချိန်မှာတော့ အဖော်ပါလာတဲ့ လူက ဘာပြောလိုက်တယ် မသိဘူး.။ အဆိုတော်သစ်လေးက ဆိုင်ကောင်တာကို ထသွားပြီး ဆိုင်ရှင်လူကြီးကို. .

“ ကျေးဇူးတင်ပါတယ်.အကို.။ ကျွန်တော်တို့ ပြန်လိုက်ပါဦးမယ်.။ ဖွင့်ပေးတဲ့ အတွက် အ၇မ်းကို ကျေးဇူးတင်ပါတယ်.။ ”

ဒိလိုပြောပြီး သူခွေလေးကို ပြန်ယူလာတယ်.။ နောက်တော့ သူစားပွဲမှာ ထိုင်ပြီး ဆော့ပင်လေးထုတ်ပြီး အခွေကာဗာမှာ တစ်ခုခုရေးနေတယ်.။ ပြီးတော့ သူတို့ စားထားသမျှ ရှင်းပြီး အထမှာတော့ အဆိုတော်သစ်လေးက ခုက သူ့အခွေကို ဆက်ဖွင့်ဖို့ ပြောခဲ့တဲ့ ကောင်မလေးဆီကို တန်းသွားပြီး .. .

“ ကျေးဇူးတင်လိုက်တာ ညီမလေးရာ.။ သူများတွေ အကို့ သီချင်းကို လက်မခံဘူးလို့ ပြောနေချိန်မှာ အကိုလည်း တကယ်ကို စိတ်ဓါတ်ကျသွားတယ်.။ ဒီအချိ်န်မှာ ညီမလေး ပြောလိုက်တဲ့ စကားကြောင့် အကို ဘယ်လောက် စိတ်ဓါတ်တတ်သွားလဲ .ညီမ သိမှာ မဟုတ်ဘူး.။ ဒါပေမဲ့. . ဘာပဲ ပြောပြော ညီမလေးကို ကျေးဇူးတင်ပါတယ်။
ရော့…ဒါကတော့ အကို့ဆိုထားတဲ့ အခွေ ၊ ညီမကို လက်ဆောင်ပေးတာ ၊ ဒီလကုန်ထွက်မယ် ညီမ.။ ညီမပြောခဲ့စကားတွေ အကို ဘယ်တော့မှ မေ့မှာ မဟုတ်တော့ဘူး.။ အကို အမြဲကြားယောင်နေမှာပါ..။ ”

ကောင်မလေးကလည်း အဆိုတော်အသစ် ပေးတဲ့ အခွေကို လှမ်းယူပြီး အဆိုတော်သစ်ကို ပြုံးပြလိုက်ရင်း.

“ အကိုက ဘာနာမည်နဲ့ ဆိုတာလဲ.။ ”

ဒီတော့ အဆိုတော်သစ်က . .

“ အကိုခွေမှာ ပါတယ်လေ ညီမ.။ ဟိုဟာက အကို့ကို အဆိုပါ သင်ပေးတဲ့ ဆရာပဲ.။ ”

အဆိုတော်သစ် ညွှန်ပြရာကို ကောင်မလေး ကြည့်လိုက်တော့ ရပ်စောင့်နေတဲ့ ဦးထုပ်ငိုက်ငိုက်ဆောင်းထားတဲ့ လူက ခဏမော့ပြီး ပြုံးပြတယ်.။ ကောင်မလေး ထိုလူ့ကို မြင်တော့ အံ့သြသွားပြီ…

“ ဟင်. . ကို—–”

“ ဟုတ်တယ် ညီမလေး ၊ အကိုသွားပြီနော်..။ ဦးကိုလည်း နှုတ်ဆက်ပါတယ်.။ ကျွန်တော်သွားတော့မယ်.။ ”

အဆိုတော်သစ်လေးက ကောင်မလေး အဖေကိုပါ နှုတ်တဆက်ပြီး ထွက်သွားလေတော့သည်.။

---

ဒီအဖြစ်အပျက်လေးက တကယ်ကို အပြင်မှာ ဖြစ်ခဲ့တာပါ.။ ကျွန်တော် ဘာလို့ သိနေရတာလဲ ဆိုတာ့ အဆိုတော်သစ်ကို ပြောခဲ့တယ် ဆိုတဲ့ ကောင်မလေးက ကျွန်တော်နဲ့ အတန်းအတူတူ သူငယ်ချင်း ဖြစ်ပြီး သူပြန်ပြောပြခဲ့တာပါ.။
နောက် အဆိုတော်သစ် အမှတ်တရ ပေးသွားတဲ့ အခွေလေးကိုလည်း ပြပါတယ်။ ဟုတ်ပါတယ် ။ ဒီအခွေမှာ အဆိုတော်ရဲ့ လက်မှတ်လေးပါတယ်.။ အမှတ်တရ လို့ လည်း ရေးထားတယ်.။ ဒီအခွေကို ကြည့်လိုက်တော့ အဆိုတော်က “ မျိုးကြီး ” ဖြစ်ပြီး အခွေကတော့ “ ကျောက်စာများ ” အခွေပဲ ဖြစ်ပါတယ်။
အဲဒီအချိန်က အဆိုတော် အသစ်လေး ဖြစ်တဲ့ “ မျိုးကြီး ” နဲ့ အတူတူပါလာတာကတော့ “ ကိုလေးဖြူ ” ပါပဲ.။ ဒါပေမဲ့ ဦးထုပ်ငိုက်ငိုက်ဆောင်းထားပြီး မထင်တဲ့ အချိန် ၊ မထင်တဲ့နေရာကို လာတာ ဆိုတော့ ဘယ်သူမှ သတိမထားမိလိုက်တာပါ.။
ဘယ်သူမဆိုတော့ ဘဝမှာ မအောင်မြင်ခင် အချိန်မှာ အဝေဖန်ခံရ နိုင်ပါတယ်.။ အောင်မြင်နေတဲ့ အချိန်မှာလည်း အဝေဖန်ခံရ နိုင်ပါတယ်.။ ဒါပေမဲ့ လူတွေ အားလုံးကတော့ မဝေဖန်ကြပါဘူး.။ အကောင်းမြင်သူ ၊ အပြုသဘောနဲ့ ပြောသူများ ရှိနေပါသေးတယ်.။ ဒီလိုလူတွေ ရှိနေတာနဲ့တင် ကျွန်တော်တို့ ဘဝမှာ အသက်ဆက်ရှင်သန်နိုင်ပါတယ်.။
(ForWard Mail တစ်ခုကရတာပါ……..)

—
မေတ္တာဖျန်း၍…လန်းကြပါစေ…..
ဥက္ကာကိုကို(သံတွဲ)

ကောင်မလေးသေဆုံးရမှုအပေါ်

ရန်ကုန်မြို့ မှာ လတ်တလောလေးကမှ အလွန်ရေပန်းစားသွားသောသတင်းတခုအကြောင်းရှင်းပြချင်လို့ ပါ။ SSCမှာမှားခွဲမိလို့ သေသွားတယ်ဆိုတဲ့ ကောင်မလေးဖြစ်ရပ်ပါ။ ကောင်မလေးသေဆုံးရမှုအပေါ် တကယ်ကိုပဲစိတ်မကောင်းဖြစ်ရပါတယ် ။တကယ်ကို တော်တဲ့ ကလေးတယောက်မို့ လို့ ပါ။ ဒါပေမဲ့ ခွဲတဲ့ ဆရာကြီး အပြစ်လို့ ဝိုင်းပြောနေကြတဲ့ ဂျာနယ်လစ်တွေကို တော့ တကယ်ကိုစိတ်တိုမိပါတယ်။ ဆရာကြီးဦးကြည်စိုး ဆိုတာမြန်မာနိုင်ငံမှာ နှစ်ယောက်မရှိနိုင်တဲ့ surgeon တယောက်ပါ။ ဆေး (၁)၊ ဆေး (၂) ၊ ဆေး မကွေး ၊ဆေးမန်း စတဲ့ ဆေးကျောင်းလေးကျောင်းလုံးမှာ head and professor ရာထူးနဲ့ ဆောင်ရွက်ခဲ့ ပြီး အခု retire ယူထားတဲ့ surgeon ဘိုးအေကြီးတယောက်ပါ။ အခုဖြစ်ရပ်မှာလည်း တကယ်တန်းတာဝန်ရှိတာ ကောင်မလေးကို စဖျားကတည်းက ကုတယ်ဆိုတဲ့  GPဆရာဝန်ပါ။ သူဟာ ဆရာဝန်တယောက် ဖြစ်ပါရဲ့ နဲ့  သူ့ ဆီလာပြတဲ့ လူနာ သွေးလွန်တုပ်ကွေး ဆိုတာ diagnose မလုပ်နိုင်တာ သူ့ ညံ့ ဖျင်းမှုပါ။ ကောင်မလေးက လေးရက်တောင်ဖျားပြီးမှ ဆရာ ဦးကြည်စိုး ဆီရောက်တာပါ။ လူနာက ဆရာကြီးဆီ ရောက်တဲ့ အချိန်မှာ dengue shock ၀င်နေပါပြီ။ ပြီးတေ့ာကောင်မလေးမှာပြနေတဲ့ sign တွေ က appendicitis case နဲ့  တထပ်တည်းကိုတူနေတာပါ။ ဗိုက်ကြီးပူတာ၊ ချက်ပတ်ဝန်းကျင်မှာ နာတာ ၊သွေးကြောတွေဝမ်းဗိုက်မှာ မြင်နေရတာ အူအတက်ပေါက်တယ်ဆိုတဲ့ (appendicitis) ရဲ့ sign တွေပါပဲ။ အူအတက်ပေါက်တယ်ဆိုတာ ချက်ချင်းခွဲ မှဖြစ်မှာပါ။ အဲဒါကို လူပိန်းတောင်သိပါတယ်။ မှားတတ်ပါတယ် ၊ဆရာကြီးနေရာမှာ တခြားနာမည်ကြီးဆရာဝန်တယောက် ဆိုလည်း မှားမှာပါပဲ။ ဒီတော့နည်းနည်းမှစစ်ဆေးမှုမလုပ်ဘူးလား ဆိုပြီးမေးဖွယ်ရာရှိပါတယ်။ အူအတက်ပေါက်တာအမှန်ဆိုရင် ချက်ချင်းခွဲ မှဖြစ်မယ့် အတွက် စစ်ချိန်မရတာဆိုရင် ပိုမှန်ပါမယ် ။ လူနာက ဆရာကြီးဆီ ရောက်လာတဲ့ အချိန်မှာ သေကိုသေတော့မယ့် အခြေအနေပါ။ စစ်ပြီး dengueမှန်းသိလို့ မခွဲရင် လည်း မခွဲလို့ သေတယ်ဆိုပြီး ဖြစ်လာဦးမှာပါ။ အဲဒီတော့ ဘယ်သူ့ အမှားလည်း ဆိုတာသာတွေးကြည့် ပါတော့ ။ ပြီးတော့နောက်တခုက ဆရာကြီးက လူနာကို တခါပဲ လာကြည့် ပြီး ၊လက်လွတ်စပါယ်ထားတယ်ဆိုတဲ့ အကြောင်းပါ။ ဆရာကြီးဟာ ဒီလူနာရောက်မလာခင် တပတ်လောက်အလိုကတည်းက တရုတ်ကိုသွားဖို့  well planned လုပ်ထားပြီးသားပါ။ လူနာရှင်တွေက ဆရာဦးကြည်စိုးနဲ့ မှ ကုချင်တယ် ဆိုပြီး by name နဲ့ ရောက်လာတာပါ။ သူ တို့ ပြထားတဲ့  GP ဆ၇ာဝန်က appendicitis case ဖြစ်လို့ ဆရာကြီးနဲ့ သွားပြပါဆိုပြီးလွှတ်လိုက်လို့  ဆရာကြီးက ခရီးမထွက်ခင်လေး operation လုပ်ပေးခဲ့ တာပါ။ ပြီးတော့လူနာဆုံးပါးသွားတဲ့ အချိန်မှာလည်းဆရာကြီးက တရုတ်မှာပါ။ သူ့ ကနဂိုတည်းက အစီအစဉ်ရှိပြီးသား ခရီးစဉ်ကိုသွားတာပါ။ ဒီမှာဘယ်လိုအခြေအနေရှိလဲဆိုတာ သူ ကဒီလူနာကိုမကြည့် ပေးနိုင်ခဲ့ တာလဲ ဒါကြောင့်ပါ။ ဆိုချင်တာက ဆရာကြီးကခွဲလိုက်လို့  သေရတာမဟုတ်ပါဘူး။ သေမည့် လူနာကို ဆရာကြီးကခွဲမိသွားတာပါ။ ပြီးတော့ ဆေးရုံစရိတ် ၁၁ သိန်းဆိုတာကလည်း ၁၁သိန်းနဲ့ တန်အောင်လုပ်ပေးတဲ့ ဆေးရုံကိုသွားလို့ ၁၁သိန်းကုန်တာပါ ။ ၁၁သိန်းကုန်အောင် ၀န်ဆောင်မှုပေးခဲ့ လို့  တန်သလောက်ပေးရတာပါ။ အဲဒါကို weekly eleven ဂျာနယ်မှာ ရေးထားတာတွေက တကယ်ကို ဆိုးဝါးပါတယ်။ ဘာကြောင့် လဲဆိုတော့ အဲဒီဂျာနယ်တိုက်ပိုင်ရှင်က ဒေါက်တာသန်းထွန်းအောင် ဖြစ်ပြီး ၊ သူဟာ အာရှတော်ဝင်ဆေးခန်းရဲ့  ရှယ်ယာဝင်တဦးလည်းဖြစ်ပါတယ်။ SSC ဆိုတာ မြန်မာနိုင်ငံရဲ့ အကောင်းဆုံးပြင်ပဆေးခန်းတွေထဲမှာမှTOP ပါ။ ၀င်ငွေအနေနှဲ့ လည်း အကောင်းဆုံးဆေးခန်းတခုပါ။ အဲဒါကြောင့်  အာရှတော်ဝင် နဲ့ SSC ဟာအပြိုင်သဘောမျိုးဖြစ်နေတာပါ။ အခုဖြစ်ရပ်မှာလည်း လူနာသေဆုံးခြင်း ထက် ဆရာကြီးကို အသုံးချကာ SSCဆေးခန်းအား တိုက်ခိုက်ခြင်းဖြစ်ပါတယ်။ အသေးစိတ်မသိတဲ့ ပြည် သူလူထုကိုထင်ယောင်မှားတွေ ဖြစ်အောင်သွေးထိုးလှုံ့ ဆော်ကာ စီးပွားရေး အရတိုက်ခိုက်ခြင်း ဖြစ်ပါတယ်။ ဒီဂျာနယ်တိုက်ပိုင်ရှင်ကိုလည်း အတော်ကိုအံ့ သြမိပါတယ်။ သူကိုယ်တိုင်ဆရာဝန်တယောက်ဖြစ်ပါလျက်နှင့် ဒီလိုသတင်းမှားမျိုးကို ရေးသားထုတ်ဝေရဲ တာ ဆရာဝန်စိတ်ဓာတ်မရှိခြင်းပင် ဖြစ်ပါတယ်။ ဒီလိုဆရာဝန်မျိုးနှင့် ကုသမည့် လူနာများအတွက်လည်း ရင်လေးမိပါတယ်။ ကြားထဲက ဓားစာခံ ဖြစ်သွားရတဲ့ ဆရာကြီးဦးကြည်စိုးမှာလည်း နာမည်ဂုဏ်ထိခိုက်ရသည်။ ဆရာကြီးအတွက် ဆမ အပိတ်ခံရခြင်းသည် ဆရာကြီး၏ အခြားသောစီးပွားရေး များကိုထိခိုက်ခြင်းမရှိပေ။ အခုဆရာကြီးက နိုင်ငံရပ်ခြားသို့ ထွက်ခွာသွားလေပြီ။ သူ့ လို လူတော်တယောက်အတွက် နိုင်ငံခြားဆိုတာ ၀င်ငွေပိုကောင်းပါတယ်။ သူ့ ဘ၀တက်လမ်းပိုကောင်းတဲ့ နိုင်ငံခြားမှာမနေပဲ၊ မြန်မာနိုင်ငံကို အလုပ်အကျွေးပြုနေတာဆရာကြီးရဲ့ စေတနာပါ။ တကယ်လို့ သင်ဆိုလျှင်ကော နိုင်ငံအတွက်ဆိုပြီး အနစ်နာခံနိုင်မလား ။ ဒီလိုလူတယောက်ကို ၀ိုင်းဝန်းနှင်ထုတ်လိုက်ခြင်းမှာ ဘယ်လို အကျိုးကျေးဇုူးတွေ ဖြစ်လာနိုင်သလဲ။ စဉ်းစားကြည့် ပါ။ တကယ်တမ်းနစ်နာတာ ကျွန်မတို့ ပြည်သူတွေပါ။ အဲဒါကိုကောင်းမှန်းမသိ ၊ဆိုးမှန်းမသိ သူတပါးကိုပုတ်ခတ်လိုက်ရလျှင်ပဲ ငါဟဲ့ ဆိုပြီးဖြစ်နေတဲ့ လူ့ အောက်တန်းစား၊လူပြိန်း၊လူညံ့ များအား ကျွန်မတို့ ဆေးလောကအသိုင်းအ၀ိုင်းက သနားတယ်လို့ ပြောပြီးဟားတိုက်တောင် ရယ်ချင်ပါသေးသရှင်။ သူငယ်ချင်းတို့ လည်း ဒီမေးလ်ကိုဖတ်ပြီး မသိသေးတဲ့ သူတွေ ကိုforward လုပ်ပေးကြပါနော်။ — ခင်မင်စွာဖြင့် အောင်လှိုင်ထွန်း

Forward mail မှ